(روحانی محفل مرکز روحانیت و امن میں اجتماعی نہیں ہوتیہر فرد اپنے مقام پر رہتے ہوئے کرے)

اس ماہ کی روحانی محفل9 فروری بروز جمعرات صبح 10بجکر 5منٹ سے لیکر 11بجکر 43منٹ تک‘ 17فروری بروز جمعہ 11بجے سے12بجکر 21منٹ تک‘27فروری بروز پیرمغرب تا عشاء یَاذَالجَلَالِ وَالاِکرَامِ پڑھیں۔ یہ ذکر، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاءاللہ آپکی تمام جائز مرادیں ضرور پوری ہونگی۔

 ہر محفل کے بعد 11روپے صدقہ ضرور کریں

( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔

 ( ایڈیٹر :۔حکیم محمد طارق محمود عفااللہ عنہ)

محترم حکیم صاحب السلام علیکم! میں عبقری کی پچھلے تین سال سے قاری ہوں‘ حکیم صاحب میرا مسئلہ یہ تھا کہ میرا دھیان اپنی پڑھائی سے بالکل اٹھ گیا تھا‘ میں نے بہت کوشش کی پڑھائی میں دل لگانے کی لیکن دن بدن میں پڑھائی میں مزید کمزور ہوتی گئی‘ مجھے کسی بھی لیکچر کی کچھ سمجھ نہ آتی‘ میں ہر وقت مختلف خیالوں میں کھوئی رہتی‘ میں میڈیکل کے لاسٹ ایئر کی سٹوڈنٹس ہوں جس وجہ سے میں بہت زیادہ پریشان تھی‘ ایک دن میں نے اس کا علاج روحانی محفل میں ڈھونڈنے کی کوشش کی‘ محترم حکیم صاحب! میں نے صرف ایک ماہ کی ہی روحانی محفل کی تھی کہ میرا دل خودبخود کتابیں کھول کر پڑھنے کو کرنے لگ گیا اور مجھے سبق بھی بہت جلد یاد ہونے لگا اورمجھے ہر لیکچر کی سمجھ آنے لگی۔ مجھے یقین نہیں آرہا تھا کہ میری اتنی بڑی پریشانی روحانی محفل نے دور کردی ہے۔ (شانزے‘ اسلام آباد)